За расійскі tax free грошы беларусам не вернуць
У 2012 годзе ў Расіі ўводзіцца сістэма вяртання падатку на даданую вартасць на пакупкі замежнікам — tax free.
Спачатку праект будзе дзейнічаць толькі ў Маскве і Санкт-Пецярбургу, потым да яго далучыцца Сочы. Задзейнічаныя ў ім будуць не толькі крамы, але таксама аэрапорты і аплатныя сістэмы.
Можна будзе вярнуць ПДВ на вопратку, абутак, электроніку, сувеніры і прадукты харчавання. Аднак новаўвядзенне не закране грамадзян Беларусі і Казахстана. Паколькі яны ўваходзяць у Мытны саюз з Расіяй, то не змогуць вяртаць ПДВ пры выездзе ў свае краіны.
