РПЦ абвергла інфармацыю пра падрыхтоўку сустрэчы патрыярха і папы рымскага

Кіраўнік Аддзела царкоўных сувязяў Маскоўскага патрыярхата архіяпіскап Іларыён абверг звесткі пра запланаваную сустрэчу патрыярха Маскоўскага Кірыла з папам рымскім Бенедыктам XVI. "Ніякай падрыхтоўкі да паездкі патрыярха ў Ватыкан альбо да сустрэчы патрыярха з папам рымскім у якім-небудзь канкрэтным месцы ў які-небудзь канкрэтны час цяпер не вядзецца", — заявіў прадстаўнік РПЦ. Ён дадаў, што можна гаварыць "пра сустрэчу на нейтральнай тэрыторыі", але пра гэта пакуль няма гаворкі.

Як паведамляе РИА "Новости", прадстаўнік РПЦ усё ж падкрэсліў, што вядзецца праца "для таго, каб такая сустрэча адбылася".