Шнур выступіць у Марыінскім тэатры

Сяргей Шнураў, лідэр "Ленінграда", возьме ўдзел у фэсце Марыінскага тэатра "Зоркі белых начэй". Спевака запрасілі выканаць загалоўную ролю ў оперы "Бенвенута Чаліні" Гектара Берліоза. Гэтую інфармацыю пацвярджае прэс-рэліз фэсту.

Гаворка ідзе пра спектакль, які пастаўлены для Канцэртнай залы Марыінскага тэатра. У раскладзе фэсту "Зоркі белых начэй" такі спектакль адзін, і ён прызначаны на сёння. Операй "Бенвенута Чаліні" адкрыецца міні-фэст французскай музыкі.

У оперы Берліоза партыю Чаліні павінен выконваць тэнар, але адмыслова для Шнурава ў лібрэта ўведзены драматычны герой, тэкст для якога напісаны драматургам Наталляй Скараход. Спектакль пастаўлены Васілём Бархатавым.

Фота: www.news.co.il