Смеццявоз сутыкнуўся з мінскім трамваем. Фота
У выніку рух трамваяў на вуліцы Якуба Коласа быў спынены на паўгадзіны.
Раніцай 22 красавіка ў Мінску на вуліцы Якуба Коласа сутыкнуліся трамвай і смеццявоз. Як інфармуе агенцтва "Мінск-навіны", МАЗ і трамвай рухаліся ў бок Лагойскага тракту. Пасля скрыжавання з вуліцай Дарашэвіча смеццявоз пачаў паварочваць налева. У гэты момант і адбылося сутыкненне з трамваем. На шчасце, ніхто не пацярпеў.
Сайт Onliner.by адзначае, што затрымка руху трамваяў у абодвух накірунках склала 35 хвілін. У выніку, дзясяткі людзей спазніліся на працу.
Фота: Onliner.by
