Станцыянарныя тэлефоны бясплатна пераключаць на танальны набор

З пачатку жніўня ўсе ўладальнікі станцыянарных тэлефонаў могуць бясплатна пераключыцца ў рэжым танальнага набору, а таксама дадаць сабе розныя функцыі. Пра гэта паведамляецца на сайце прадпрыемства “Белтэлекам”. На новых электронных АТС магчымасць пераключыцца ў рэжым танальнага набору будзе працаваць аўтаматычна для ўсіх жадаючых абанентаў, якія маюць тэлефоны з танальным наборам.

Пры гэтым значна змяншаецца час набору нумара, знікаюць памылкі набору і з'яўляецца магчымасць выкарыстоўваць дадатковыя віды паслуг.