Сярэдні заробак у Беларусі знізіўся за месяц на 1,5%

Сярэдні заробак у Беларусі ў лютым 2009 года склаў 906 тыс. 117 рублёў. У студзені 2009 года ён складаў 919 тыс. 637 рублёў. Такім чынам, за месяц заробак зменшыўся на 1,5%, або на 13,5 тыс. рублёў. Налічаны сярэдні заробак рабочых і службоўцаў у лютым быў 924 тыс. 935 рублёў (у студзені 2009 года — 939 тыс. 46 рублёў).

На прамысловых прадпрыемствах сярэдні заробак у лютым 2009 года склаў 1 млн 6,1 тыс. рублёў; у будаўнічых арганізацыях — 1 млн 181,8 тыс.; на прадпрыемствах транспарту — 1 млн 64,6 тыс.; у арганізацыях сельскай гаспадаркі — 574 тыс.; гандлю і грамадскага харчавання — 784,4 тыс.

Ва ўстановах аховы здароўя ў сярэднім атрымлівалі 712,5 тыс. рублёў, у тым ліку лекары — 1 млн 243,2 тыс., сярэдні медыцынскі персанал — 689,3 тыс., малодшы медыцынскі персанал — 427,3 тыс. рублёў. Ва ўстановах адукацыі — 674,1 тыс. рублёў, у тым ліку педагагічныя работнікі — 751,8 тыс., настаўнікі — 806,9 тыс., прафесарска-выкладчыцкі склад — 1 млн 399,3 тыс. рублёў.

БелаПАН