Сяргей Касціцын закінуў сваю чарговую шайбу ў НХЛ

Беларускі хакеіст Сяргей Касціцын закінуў сваю чарговую шайбу ў НХЛ. Яго “Манрэаль” гуляў у гасцях з “Атлантай”. Лік адкрыў расійскі легіянер гаспадароў Вячаслаў Казлоў, але Касціцын яго зраўняў. Праўда, “Манрэалю” давялося зноў адыгрывацца. На гэты раз лік зраўняў Аляксей Кавалёў, перадачу якому даў Касціцын, толькі не Сяргей, а Андрэй.

У выніку, каб вызначыць пераможцу, быў згуляны дадатковы тайм, у якім не было закінутых шайб. Суддзя прызначыў серыю булітаў, якія больш дакладна выканалі хакеісты “Атланты”, якая святкавала перамогу – 3:2. Адзін з незакінутых булітаў "на сумленні" Сяргея Касціцына.