Трактарыст прыехаў у госці, знёсшы вароты

25-гадовы п'яны трактарыст з Вялікіх Круговічаў Ганцавіцкага раёна вырашыў наведаць сябра ў суседняй вёсцы. Дзеля гэтага ён "пазычыў" трактар у мясцовым лясніцтве.

У вёсцы Нач хлопец не справіўся з кіраваннем і ўрэзаўся ў браму прыватнага дома. Пасля гэтага кіроўца павярнуў дахаты. У роднай вёсцы яго ўжо чакалі міліцыянты. Распачатая крымінальная справа.