У анкалагічным дыспансеры скрадзена лекаў на 60 млн рублёў
У здзяйсненні гэтага злачынства падазраецца старшая сястра Мінскага гарадскога клінічнага анкалагічнага дыспансра.
Праваахоўныя органы Мінска распачалі крымінальную справу. Разам са старшай медсястрой аддзялення дзённага знаходжання Мінскага гарадскога клінічнага анкалагічнага дыспансера па гэтай справе праходзіць і медсястра працэдурнага кабінета, паведамляе "Ежедневник".
Падазраваныя са студзеня да снежня 2010 года, атрымаўшы для выдачы хворым у аптэчным складзе дыспансера дарагія медычныя прэпараты, прыўласцілі лекавых сродкаў на суму 59,5 млн рублёў.
Фота: faqirilaik.wordpress.com
