У Асіповіцкім раёне загарэўся МАЗ з двума прычэпамі (фота)
Кіроўца самастойна не змог ліквідаваць узгаранне і дачакаўся ратавальнікаў. Груз не пацярпеў.
У Асіповіцкім раёне раніцай 22 ліпеня загарэўся МАЗ з двума прычэпамі. Узгаранне пачалося ў маторным адсеку, а пасля агонь перакінуўся на кабіну грузавіка. Як інфармуе прэс-служба МНС, кіроўца з дапамогай вогнетушыцеляў спрабаваў ліквідаваць узгаранне, але няўдала. Неўзабаве яму на дапамогу прыйшлі ратавальнікі.
Адзначаецца, што агонь пашкодзіў рухавік і салон аўтамабіля. Груз не пацярпеў. Прычына пажару пакуль невядомая. Грузавік быў выпушчаны ў 2014 годзе.
Фота: МНС
