У Беларусь прыбываюць "кадыраўцы": ранішняя зводка Генштаба Украіны
"Кадыровцы" / stopcor.org
Разам з расійскімі вайскоўцамі ў Беларусь прыбываюць "кадыраўцы", краіна і далей падтрымлівае расійскую вайсковую агрэсію супраць Украіны, паведамляецца ў ранішняй зводцы Генштаба ВСУ.
Па даных украінскіх вайскоўцаў, 26 кастрычніка на чыгуначную станцыю Брэста прыбылі эшалоны расійскай вайсковай тэхнікі. Расіяне заўважаны ў населеных пунктах паміж Брэстам і Маларытай. У Генштабе лічаць, што пагроза нанясення ракетных удараў і выкарыстання ўдарных беспілотнікаў з тэрыторыі Беларусі застаецца высокай.
На дадзены момант Расія спрабуе ўтрымліваць захопленыя тэрыторыі, рыхтуецца да абароны Херсона і не спыняе наступ на Бахмуцкім і Аўдзееўскім кірунках.
