У Беларусі могуць вярнуць ільготу па аплаце за ваду

У Беларусі плануецца аднавіць ільготу на аплату вады для грамадзян, якія за ўласныя сродкі ўсталявалі лічыльнікі.
Пра гэта сёння, адказваючы на пытанні парламентарыяў, паведаміў міністр жыллёва-камунальнай гаспадаркі Уладзімір Белахвостаў. Ён адзначыў, што прадастаўленне такіх ільгот прадугледжана ў пастанове Савета Міністраў Беларусі.

У цяперашні час яна страціла сілу. Па словах міністра, на гэты момант актыўна прапрацоўваецца пытанне аб занясенні змен у гэтую пастанову, каб ільготу аднавіць. Ён дадаў, што гэтае пытанне будзе вырашана ў бліжэйшы тыдзень-паўтара.

БЕЛТА