У Беларусі забароняць рэкламу паслугаў экстрасенсаў і варажбітак

Рэклама паслугаў экстрасенсаў і варажбітак будзе забароненая ў Беларусі. Адпаведныя папраўкі прыняла Палата прадстаўнікоў у шэраг законаў па пытаннях рэкламы. Таксама, як адзначыла дэпутатка Ганна Бурава, у нашай краіне "забараняецца рэклама псіхалагічнай дапамогі, за выключэннем выпадкаў, калі такая дапамога аказваецца дзяржаўнымі органамі, дзяржарганізацыямі, установамі адукацыі".

Бурава паведаміла, што ўводзіцца забарона і "на рэкламу паслуг сэксуальнага характара, у тым ліку пад выглядам псіхалагічнай дапамогі, кантактаў, рэлаксацыі, масажу, прыемнага правядзення часу, іншай законнай дзейнасці".

Інтэрфакс