У беларускім Парыжы асвечаная імправізаваная "Эйфелевая вежа"

Музей Яна Паўла II і новы касцёл адкрыліся ў вёсцы Парыж Пастаўскага раёна. Таксама адбылося ўрачыстае асвячэнне імправізаванай "Эйфелевай вежы". Усе гэтыя пабудовы з'явіліся дзякуючы ксяндзу Ёзасу Бульцы, кіраўніку гэтага каталіцкага прыходу, параху касцёла святой Ганны ў вёсцы Мосар Глыбоцкага раёна.
Беларуская "Эйфелевая вежа" адрозніваецца ад французскай тым, што на вышыні 30 метраў усталяваны хрысціянскі крыж. На вежы ёсць адмысловая пляцоўка, на якую могуць падымацца турысты.

БелаПАН