У цэнтры Мінску будаўнікі адкапалі гарматы (фота)

Гарматы адкапалі будаўнікі ў цэнтры Мінску падчас рэканструкцыі будынка па вуліцы Інтэрнацыянальнай. Яны праляжалі ў зямлі амаль 200 гадоў.

Калі эскаватар зачапіў нешта на глыбіні каля 4-х метраў, будаўнікі спачатку і не думалі, што знаходку давядзецца здаваць у музей. Каб вывезці гарматы, спатрэбілася спецыяльная машына і кран.

Паведамляецца, што вага кожнай з іх складае каля 400 кілаграмаў. Гісторыкі пакуль не далі дакладнага адказу наконт краіны, дзе гарматы былі вырабленыя, але ўжо цяпер кажуць, што выпусцілі іх не Францыя і не Расія.

Цяпер гарматы адправяць на экспертызу, паведамляе газета "Рэспубліка".