У Душанбэ адкрыўся саміт ЕўрАзЭс

У сталіцы Таджыкістана Душанбэ адкрыўся саміт Еўразійскай эканамічнай супольнасці (ЕўрАзЭс). У сустрэчы бяруць удзел прэзідэнты Расіі, Беларусі, Казахстана, Кіргізіі, Таджыкістана і Узбекістана. Акрамя таго, на саміт прыбылі прэзідэнты Малдовы і Арменіі, якія з'яўляюцца назіральнікамі ў ЕўрАзЭс.

На саміце Беларусь, Казахстан і Расія плануюць падпісаць шэраг дакументаў, датычных стварэння Мытнага саюза.

ЕўрАзЭс з'яўляецца міжнароднай эканамічнай арганізацыяй, адной з задач якой з'яўляецца фармаванне рэжыму вольнага гандлю паміж краінамі-ўдзельніцамі.

РИА Новости