У Гомелі жанчына скончыла жыццё самагубствам, бо ўбачыла нячысцікаў

У кватэры Савецкага раёна Гомеля знойдзены труп жанчыны ў лужыне крыві, побач з якой валяліся сякера і раздробленая фаланга ўказальнага пальца.  Як паведамляе газета "Савецкі раён", суседзі загінулай сведчаць пра тое, што напярэдадні вечарам жанчына паводзіла сябе неадэкватна. Казала, што бачыць нячысцікаў, і таму нават схадзіла ў царкву памаліцца.

Судмедэкспертыза ўстанавіла, што ў памерлай былі сур'ёзныя праблемы са здароўем - цыроз печані і варыкознае пашырэнне вен. Відавочна, моцная боль у суставах і развіццё псіхоза прывялі да таго, што гамяльчанка нанесла сабе рэзаныя раны і адсекла адзін з пальцаў, раздрабніўшы яго абухом сякеры.

На дадзены момант судовыя медыкі не прыйшлі да канчатковай высновы, што стала сапраўднай прычынай смерці - ўнутраны крывацёк з-за цырозу печані або страта крыві, выкліканая адсячэннем пальца. Пакуль адпрацоўваюцца дзве асноўныя версіі здарэння: самагубства і смерць з-за хваробы.