У Грэцыі паліцыя разагнала дэманстрацыю антыфашыстаў слезацечным газам
Пра гэта перадае Reuters са спасылкай на відавочцаў.
У дэманстрацыі, скіраванай супраць ультраправай партыі "Залаты світанак", прынялі ўдзел некалькі тысяч чалавек. Яны прайшлі маршам з цэнтра горада да штаб-кватэры партыі.
Сутычкі з паліцыянтамі пачаліся праз агрэсіўныя паводзіны дэманстрантаў. Як перадае РБК, тыя закідвалі праваахоўнікаў камянямі і бутэлькамі.
Дэманстрацыі супраць ультраправай партыі пачаліся пасля паведамленняў, што прыхільнік "Залатога світанку" прызнаўся ў забойстве актывіста антыфашысцкага руху.
Фота — AFP
