У Магілёве на пажары выратавалі інваліда
Выратавальнікі знайшлі яго на падлозе ў задымленай кватэры.
У Магілёве на пажары супрацоўнікі МНС выратавалі гаспадара кватэры-інваліда. Узгаранне пачалося ўвечары 15 снежня ў кватэры на першым паверсе шматпавярховіка па вуліцы Вавілава. Суседзі распавялі выратавальнікам, што гаспадар — інвалід. Яго знайшлі на падлозе ў задымленай кватэры. З апёкамі і атручваннем мужчыну шпіталізавалі.
Мяркуецца, што прычынай пажару стала неасцярожнасць падчас курэння, інфармуе прэс-служба МНС.
Фота — МНС
