У Маладзечанскім раёне пачаўся пробны перапіс насельніцтва

У Маладзечанскім раёне Мінскай вобласці пачаўся пробны перапіс насельніцтва. Пра гэта паведамілі ў міністэрстве статыстыкі і аналізу Беларусі.
Перапіс працягнецца па 20 кастрычніка. Адкрытыя 2 перапісныя ўчасткі, 13 інструктарскіх і 70 асноўных падліковых участкаў.

Такія ж участкі адкрыліся і ў лякарнях, дамах адпачынку, санаторыях. Пробны перапіс насельніцтва ахопіць больш за 21 тысячу чалавек.

Па яго выніках будзе праведзеная карэкціроўка праграмы перапісу, якую плануецца занесці ва ўрад да 1 ліпеня 2008 года. Нагадаем, чарговы перапіс насельніцтва Беларусі пройдзе 14-24 кастрычніка 2009 года.

“Інтэрфакс”