У Маскве група жанчын збіла беларускага гастарбайтэра

У Маскве група жанчын збіла беларускага гастарбайтэра Мікалая Г. Ён працуе вартаўніком на адной з маскоўскіх будоўляў.  Спачатку жанчыны на вуліцы Дубініскай спрабавалі загіпнатызаваць мужчыну з мэтай завалодання яго сумкай, але гэта ім няўдалося.

Тады адна з іх засунула руку ў сумку беларуса, але ён гэта заўважыў і схапіў зладзейку. У гэты момант на яго з усіх бакоў напалі іншыя жанчыны і пачалі збіваць. Толькі пасля гэтага на дапамогу мужчыне прыйшлі маскоўскія міліцыянты, якія ад пачатку назіралі за канфліктам.

Адну жанчыну затрымаў беларус, адну – міліцыянты, іншыя разбегліся ў розныя бакі. Затрыманыя аказаліся жыхаркамі Астрахані і Мардовіі, адна з іх ужо прызнала сваю віну.

http://petrovka38.ru