У Мазыры студэнтку палохалі выключэннем з ВНУ і... турмой

Адміністрацыя Мазырскага дзяржаўнага педагагічнага ўніверсітэта папярэдзіла студэнтку трэцяга курса факультэта тэхналогій Кацярыну Манчук пра недапушчальнасць сустрэч з актывістамі моладзевага дэмакратычнага руху. У лютым дзяўчыну ў ліку некалькіх дзесяткаў актывістаў затрымлівалі пад Мінскам, пазней яна кантактавала з каардынатарам аргкамітэта па стварэнні партыі "Беларуская хрысціянская дэмакратыя". Манчук перакананая, што менавіта гэта і стала падставай для папярэджання.

Паводле яе словаў, падчас размовы з прарэктарам па выхаваўчай працы прысутнічаў невядомы чалавек, які нічога не пытаўся, але рабіў запісы. Кацярыне Манчук паведамілі, што калі яна не зробіць высновы з размовы, усё можа скончыцца выключэннем яе з ВНУ.

Дзяўчыну нават напалохалі турмой, інфармуе БелаПАН.