У Мінскай вобласці з’явяцца 700 ветракоў і малыя гідраэлектрастанцыі

На Міншчыне плануецца ўзвесці больш за 700 ветраэнергетычных агрэгатаў магутнасцю 1 Мвт кожны. Такое рашэнне Мінаблвыканкам прыняў з мэтай выканання дырэктывы прэзідэнта №3 “Эканомія і ашчаднасць — галоўныя фактары эканамічнай бяспекі дзяржавы”.

Ветракі з’явяцца ў найбольш мэтазгодных месцах: Мінскім, Койданаўскім, Валожынскім, Маладзечанскім і Лагойскім раёнах. Разам з тым плануецца пабудаваць у бліжэйшыя гады на тэрыторыі Бярэзінскага, Смалявіцкага і Маладзечанскага раёнаў малыя гідраэлектрастанцыі.

“Борисов электронный”