У Мінску ўшанавалі памяць Віктара Цоя (фота)
Імправізаваны канцэрт прайшоў каля сцяны музыканта.
15 жніўня мінула 20 год са дня смерці Віктара Цоя. Прыхільнікі музыкі вырашылі ўшанаваць яго памяць непадалёк ад канцэртнай залы “Мінск”, дзе цяпер знаходзіцца сцяна рокера.
У нядзелю а 18-й гадзіне там сабралася некалькі дзясяткаў чалавек: ад сталых кабет да падлеткаў, якіх ў жніўні 1990-га яшчэ і на свеце не было.
Хутка пачаўся імправізаваны міні-канцэрт з песень Цоя. Менш чым праз гадзіну каля сцяны з'явіўся падпалкоўнік міліцыі, які паведаміў, што збірацца і размаўляць людзі могуць, а вось спевы з гукаўзмацняльнай апаратурай ― гэта ўжо масавае несанкцыянаванае мерапрыемства. Яшчэ праз дзесяць хвілін спецназ затрымаў двух нецвярозых.
Аднак, у выніку прыхільнікам Цоя дазволілі правесці канцэрт, праўда толькі да 21-й гадзіны. Бо потым, па словах падпалкоўніка, з Кунцаўшчыны на вакзал будуць вяртацца “расстроеныя фанаты” брэсцкага “Дынама”.
Крыху пазней за 21-ю гадзіну прыхільнікі Цоя ўсе разам праспявалі “Спокойную ночь” і разышліся.
15 жніўня мінула 20 год са дня смерці Віктара Цоя. Прыхільнікі музыкі вырашылі ўшанаваць яго памяць непадалёк ад канцэртнай залы “Мінск”, дзе цяпер знаходзіцца сцяна рокера.
У нядзелю а 18-й гадзіне там сабралася некалькі дзясяткаў чалавек: ад сталых кабет да падлеткаў, якіх ў жніўні 1990-га яшчэ і на свеце не было.
Хутка пачаўся імправізаваны міні-канцэрт з песень Цоя. Менш чым праз гадзіну каля сцяны з'явіўся падпалкоўнік міліцыі, які паведаміў, што збірацца і размаўляць людзі могуць, а вось спевы з гукаўзмацняльнай апаратурай ― гэта ўжо масавае несанкцыянаванае мерапрыемства. Яшчэ праз дзесяць хвілін спецназ затрымаў двух нецвярозых.
Аднак, у выніку прыхільнікам Цоя дазволілі правесці канцэрт, праўда толькі да 21-й гадзіны. Бо потым, па словах падпалкоўніка, з Кунцаўшчыны на вакзал будуць вяртацца “расстроеныя фанаты” брэсцкага “Дынама”.
Крыху пазней за 21-ю гадзіну прыхільнікі Цоя ўсе разам праспявалі “Спокойную ночь” і разышліся.
