У немагчымасці дазваніцца ў “хуткую” Белтэлекам абвінаваціў тэхніку
Амаль 40 хвілін немагчыма было датэлефанавацца на нумары экстраных службаў з-за тэхнічнага збою абсталявання. Пра гэта Еўрарадыё паведаміла супрацоўніца групы па інфармацыі і камунікацыі Белтэлекама Марыя Сталярова. Марыя Сталярова: “Гэта чыста тэхнічны збой, збой абсталявання, і такога не было вельмі даўно на самой справе”.
Па словах супрацоўніцы Белтелекама, гаворка пра тое, што сувязі не было цалкам, не адпавядае рэчаіснасці.
Марыя Сталярова: “Сцвярджэнне, што сувязь адсутнічала цалкам, не адпавядае рэчаіснасці. У нас на такі выпадак заўсёды прадугледжаны запасныя варыянты. І гэтым разам усе людзі, якія званілі на кароткія экстраныя нумары, яны аўтаматам пераадрасоўваліся на звычайныя нумары. Так што пэўная колькасць людзей дазванілася”.
А дазваніліся за гэтыя 40 хвілін 22 чалавекі ў “хуткую дапамогу”, 19 — у міліцыю і 1 — у “Мінгаз”.
У той жа час кіраўнік прэс-службы Міністэрства па надзвычайных сітуацыях Віталь Навіцкі кажа, што гэта іх заслуга — што хоць хтосьці ў гэтыя 40 хвілін дазваніўся туды, куды яму было трэба.
Віталь Навіцкі: “Нам давялося цягам некалькіх хвілінаў арганізаваць працу, тэрмінова звязвацца з аператарамі сотавай сувязі, з Белтэлекамам, каб забяспечыць гэты механізм пераадрасацыі. Каб калі чалавек набірае з мабільнага альбо гарадскога 103, ён трапляў на наш гарадскі сямізначны нумар гарадскога ўпраўлення МНС. А далей мы ўжо па прамой тэлефоннай сувязі гэты выклік перанакіроўвалі ў адпаведныя службы”.
Супрацоўніца Белтэлекама кажа, што ў іх зараз вырашаюць, як засцерагчыся ад паўтору сённяшняга надзвычайнага здарэння.
Марыя Сталярова: “Будуць правяраць абсталяванне. Магчыма, нейкія яго часткі падлягаюць мадэрнізацыі”.
Праўда, параіла не спадзявацца на тое, што абсталяванне возьмуць і заменяць ужо заўтра. Прынамсі, гэтага не адбудзецца да таго часу, пакуль цалкам не завершыцца ўнутранае расследаванне.
Па словах супрацоўніцы Белтелекама, гаворка пра тое, што сувязі не было цалкам, не адпавядае рэчаіснасці.
Марыя Сталярова: “Сцвярджэнне, што сувязь адсутнічала цалкам, не адпавядае рэчаіснасці. У нас на такі выпадак заўсёды прадугледжаны запасныя варыянты. І гэтым разам усе людзі, якія званілі на кароткія экстраныя нумары, яны аўтаматам пераадрасоўваліся на звычайныя нумары. Так што пэўная колькасць людзей дазванілася”.
А дазваніліся за гэтыя 40 хвілін 22 чалавекі ў “хуткую дапамогу”, 19 — у міліцыю і 1 — у “Мінгаз”.
У той жа час кіраўнік прэс-службы Міністэрства па надзвычайных сітуацыях Віталь Навіцкі кажа, што гэта іх заслуга — што хоць хтосьці ў гэтыя 40 хвілін дазваніўся туды, куды яму было трэба.
Віталь Навіцкі: “Нам давялося цягам некалькіх хвілінаў арганізаваць працу, тэрмінова звязвацца з аператарамі сотавай сувязі, з Белтэлекамам, каб забяспечыць гэты механізм пераадрасацыі. Каб калі чалавек набірае з мабільнага альбо гарадскога 103, ён трапляў на наш гарадскі сямізначны нумар гарадскога ўпраўлення МНС. А далей мы ўжо па прамой тэлефоннай сувязі гэты выклік перанакіроўвалі ў адпаведныя службы”.
Супрацоўніца Белтэлекама кажа, што ў іх зараз вырашаюць, як засцерагчыся ад паўтору сённяшняга надзвычайнага здарэння.
Марыя Сталярова: “Будуць правяраць абсталяванне. Магчыма, нейкія яго часткі падлягаюць мадэрнізацыі”.
Праўда, параіла не спадзявацца на тое, што абсталяванне возьмуць і заменяць ужо заўтра. Прынамсі, гэтага не адбудзецца да таго часу, пакуль цалкам не завершыцца ўнутранае расследаванне.
