У падмаскоўным гольф-клубе не бачылі сына Аляксандра Лукашэнкі

У падмаскоўным гольф-клубе абвяргаюць інфармацыю, што іх наведваў сын Аляксандра Лукашэнкі.  Нагадаем, днямі адно з маскоўскіх папулярных выданняў паведаміла, што 30 чэрвеня Віктар Лукашэнка прыязджаў у Нахабіна, у самы вядомы расійскі гольф-клуб, які месціцца ў Краснагорскім раёне Маскоўскай вобласці.

Нібыта, ён цікавіўся мясцовым досведам, бо, як вядома, пад Мінскам, у адпаведнасці з загадам кіраўніка краіны, пачалося будаўніцтва комплекса для гольфа.

“Еўрарадыё” датэлефанавалася да “Le Meridien Moskow country club” і пагаварыла з яго супрацоўнікамі. Адзін з іх сказаў наступнае:

“Ведаеце, такога чалавека ў спісах няма. Я думаю, што гэтага і не было нават”.