У Варшаве сёння пройдзе дэманстрацыя ў падтрымку дэмсілаў Беларусі

У Варшаве сёння, 25 cакавіка, а 19-й гадзіне па беларускім часе пачнецца дэманстрацыя ў падтрымку дэмакратычных сілаў Беларусі.  Яе ўдзельнікі пройдуць ад помніка Каперніка, што ў Кракаўскім прадмесці польскай сталіцы, уздоўж вуліцы Новы Свят, праз кальцо дэ Голя і плошчу Трох Крыжоў, і накіруюцца на вуліцу Вейска, дзе адбудзецца найважнейшая частка маршу.

Каля будынка Сейму Польшчы прадстаўнікі дэманстрантаў складуць ад імя дэпутата Анджэя Галіцкага, прадстаўніка Сейму і чальца групы па справах з Беларуссю Сейму, спецыяльна падрыхтаваную петыцыю. Яна будзе ўтрымліваць заклік да дэпутатаў падтрымаць прапанову, якая "асуджае практыку аўтарытарнага рэжыму Аляксандра Лукашэнкі".