У Вайсковай акадэміі ўпершыню пачнуць рыхтаваць разведчыкаў

Новы факультэт — вайсковай разведкі — створаны ў Вайсковай акадэміі Беларусі. Першы набор курсантаў адбудзецца сёлета.
Як паведамляе БелаПАН, факультэт будзе рыхтаваць спецыялістаў па кіраванні аддзеламі спецаперацый (з веданнем замежных моваў) і па тэлекамунікацыйных сістэмах.

У перспектыве ў Вайсковай акадэміі плануецца стварыць кафедру "Сілы спецаперацый замежных армій", на якой будуць навучацца не толькі курсанты, але і слухачы камандна-штабнога факультэта і факультэта Генштаба.