У Віцебску беспрацоўны "замініраваў" сталоўку
Здарэнне адбылося 18 жніўня.
Каля 15-й гадзіны ў даведачную службу "109" паступіў тэлефонны званок пра тое, што каля будынка сталовай №30 ААТ "Вітміл" на вуліцы Леніна ў Віцебску адбудзецца выбух.
На працягу кароткага часу праваахоўнікі эвакуявалі з будынка 65 чалавек, паведамляюць "Народныя навіны Віцебска".
Сапёры пры дапамозе металашукальнікаў старанна абследавалі памяшканне сталовай і прылеглую тэрыторыю. Аднак выбуховых прыладаў яны не знайшлі.
Супрацоўнікі Чыгуначнага РАУС на працягу гадзіны выявілі, што тэлефанаваў 58-гадовы беспрацоўны жыхар Віцебска.
Фота — news.vitebsk.cc
