У Віцебску зніклі двое маленькіх хлопчыкаў
Міліцыя трэція суткі шукае двух дзяцей 7 і 8 год, якія сышлі невядома куды 24 сакавіка і не вярнуліся дадому.
Паводле словаў бацькоў, хлопчыкі прыйшлі ў чацвер па абедзе з гімназіі і пайшлі гуляць на вуліцу. З таго часу іх не бачылі. Дзяцей шукае ўвесь асабісты склад Чыгуначнага РАЎС Віцебска, а таксама прадстаўнікі ўнутраных войскаў, таксама ладзілі аблёт тэрыторыі на верталёце. З улікам таго, што дзеці жывуць непадалёк ад Заходняй Дзвіны, вадалазы абследуюць дно ракі.
Да пошукаў далучыліся таксама добраахвотнікі, паведамляе БЕЛТА.
