У Віцебску з'явіўся "святлафор для жанчын"

Забаўным жартам для віцяблянаў стала выпадковае пашкоджанне чырвонага вочка святлафора на адным са скрыжаванняў. Замест звыклага мужчынскага сілуэту тут цяпер відаць жанчыну ў доўгай спадніцы. Як піша "Комсомольская правда в Беларуси", атрымаўся своеасаблівы "гендэрна збалансаваны" святлафор.

У Беларусі "гендэрных святлафораў" яшчэ не было. А вось у некаторых еўрапейскіх краінах, у прыватнасці ў Швецыі, Нямеччыне, Іспаніі, дзейнічаюць святлафоры, дзе намаляваныя жаночыя сілуэты.