У выхадныя дні ў Беларусі чакаюцца мокры снег і завірухі

У выхадныя дні ў Беларусі чакаюцца мокры снег і завірухі. Пра гэта паведамляе Рэспубліканскі гідраметцэнтр. У суботу разам з мокрым снегам пройдуць дажджы, у гэты дзень магчымы туман і галалёдзіца. Найбольш моцныя ападкі чакаюцца ў Гомельскай вобласці. Тэмпература паветра ў дзённы час складзе ад мінус 2 да плюс 4 градусаў.

У нядзелю ва ўсходніх абласцях, а ў панядзелак – па ўсёй краіне пройдзе моцны снег, завірухі.

Складаныя ўмовы надвор’я захаваюцца да сярэдзіны наступнага тыдня.

Інтэрфакс