Вікторыя Азаранка і Таццяна Пучак пакідаюць парны турнір Уімблдона

Вікторыя Азаранка і расіянка Алена Весніна не выйшлі на корт у паядынку за чвэрцьфінал супраць іспанскага дуэта Лагастэра-Вівес і Марцінес-Санчас.
Нагадаем, за некалькі гадзін да парнага матчу беларуская тэнісістка ў напружанай барацьбе перайграла расіянку Надзею Пятрову і выйшла ў чвэрцьфінал адзіночнага разраду.

Сёння Азаранка згуляе з другой ракеткай свету амерыканкай Серэнай Ўільямс. Яшчэ адна беларуска Таццяна Пучак таксама пакідае парны турнір.

Разам з украінкай Марыяй Карытцавай яны прайгралі нямецка-італьянскаму дуэту Крысціне Бароіс і Таццяне Гарбін.