Вясковец паведаміў пра бомбу ў школе ў аграгарадку каля Барысава
Мужчыну затрымалі за "тэлефонны тэрарызм".
Жыхар Барысаўскага раёна ўвечары 10 лістапада патэлефанаваў у Барысаўскі РУУС і паведаміў пра выбуховае прыстасаванне, закладзенае ў сярэдняй школе ў аграгарадку Лошніца. Падчас абследавання будынка і прылеглай тэрыторыі нічога падазронага не знайшлі.
Як паведамляе БЕЛТА, зламыснік ужо затрыманы. Ім аказаўся 33-гадовы непрацуючы жыхар Лошніцы. Раней ён быў асуджаны за рабаванне. Распачатая крымінальная справа.
Фота — Fotolia
