Выбух у жылым доме ва ўкраінскім горадзе Мікалаеў (фота)
Здарэнне адбылося сёння раніцай. Выбух адбыўся на верхніх паверхах 5-павярховага жылога дома па вуліцы Маладагвардзейскай.
Як паведамляюць украінскія СМІ, у суседніх дамах выбітае шкло ў вокнах. На месцы працуюць медыкі, ратавальнікі, міліцыя, тэхнічныя службы. З дома эвакуявалі 50 чалавек. Дадзеных пра загінулых няма. Няма інфармацыі пра трох чалавек, прапісаных у кватэры, якая пацярпела падчас выбуху. Магчыма, хтосьці можа знаходзіцца пад заваламі.
Сведкі кажуць, што выбух адбыўся ў кватэры жанчыны, якая нядаўна вярнулася з Масквы. Пацярпелы мужчына, якога шпіталізавалі, быў у яе ў гасцях.
Фота — НикВести
