Вызначыліся пераможцы Адборышча

15 і 16 чэрвеня ў мінскім клубе “Арэна” праходзіў адборачны тур сярод маладых беларускіх гуртоў, пераможцы якога паўдзельнічаюць у якасці канкурсантаў на сёлетнім Басовішчы.
Нагадаем, спачатку ў адборы ўдзельнічалі 53 гурты.

Журы, у складзе якога былі вядомыя журналісты, крытыкі і прадзюсеры, а таксама арганізатары фестывалю, абралі па дэма-запісах 20 калектываў для ўдзелу ў Адборышчы.

Гэтыя гурты і разыгралі паміж сабой 10 пуцёвак у Польшчу.

Гурт Lilith быў абраны шляхам інтэрнет-галасавання, астатнія 9 каманд вызначыліся ў двухдзённым музычным “марафоне”.

Такім чынам, на самым буйным фестывалі беларускай музыкі “Басовішча 2007”, які пройдзе з 19 па 21 ліпеня ў польскім мястэчку Гарадок (недалёка ад беларускай мяжы), у конкурснай частцы паўдзельнічаюць наступныя 10 гуртоў:

1.    Indra
2.     Lilith
3.     SKA!RB
4.     SOK
5.     Termin X
6.     Unia
7.     Weeping Twilight
8.     Zig-zag
9.     РоСтра
10.     Фляўс і Кляйн

Журы таксама абрала і запасныя калектывы.

У выпадку, калі нехта з канкурсантаў па нейкіх прычынах не здолее патрапіць на Басовішча, яго месца зойме гурт Шпіталь або Заточка.