Вызначыліся сапернікі Мірнага і Б’ёркмана на турніры ў Шанхаі

Вызначыліся сапернікі Максіма Мірнага і Ёнаса Б’ёркмана (7-я пара сусветнага рэйтынгу) на групавым этапе фінальнага турніра серыі “Мастэрс” у Шанхаі, які пройдзе 11-18 лістапада ў Шанхаі.  У выніку лёсавання Мірны і Б’ёркман згуляюць у “залатой” групе, а іх сапернікамі стануць Пол Хенлі (Аўстралія) і Кевін Улье (Зімбабвэ), Марцін Дам з Чэхіі і Леандэр Паэс з Індыі, ізраільцяне Джонатан Эрліх і Эндзі Рам.

Па дзве лепшыя пары з “залатой” і “чырвонай” групы па выніках аднакругавога турніра выходзяць у паўфінал. Нагадаем, летась беларуска-шведскі дуэт святкаваў на гэтым турніры перамогу.

БелаПАН