"Юнацтва" выйграла ў "Гомеля" ў першым туры чэмпіянату Беларусі па хакеі

Матчамі ў шасці гарадах 3 верасня стартаваў адкрыты чэмпіянат Беларусі па хакеі з шайбай. Чэмпіён краіны — мінскае "Юнацтва" ў сталічным Палацы спорту выйграла ў віцэ-чэмпіёна "Гомеля" з лікам 3:1.

Астатнія вынікі: "Металургс" (Ліепая) — "Керамін" (Мінск) — 3:2 (па булітах), "Нёман" (Гродна) — "Металург" (Жлобін) — 5:4, "Хімвалакно" (Магілёў) — "Сокал" (Кіеў) — 4:1, "Брэст" — "Шыннік" (Бабруйск) — 2:3 (па булітах), "Дынама-Юніёрс" (Рыга) — "Шахцёр" (Салігорск) — 1:5.

"Шахцёр", створаны сёлета, з'яўляецца фарм-клубам мінскага "Дынама", якое выступае ў КХЛ .

4 верасня адбудзецца сустрэча "Віцебск" — "Хімік-СКА" (Наваполацк).