Юрыст: Праект АЭС супярэчыць Канстытуцыі Беларусі

Юрыст грамадскай экалагічнай экспертызы Алена Танкачова заявіла, што сама ідэя праекту беларускай АЭС пярэчыць Канстытуцыі Беларусі. Эксперт абгрунтавала сваю пазіцыю тым, што галоўны Закон краіны абвяшчае бяз’ядзерны статус Беларусі. Таксама юрыст адзначыла, што ў краіне адсутнічае заканадаўчая база, якая б рэгулявала ўсе пытанні, звязаныя з атамнай энергетыкай. Адпаведна, усе дзеянні па працы над праектам беларускай АЭС немагчыма назваць легітымнымі.

Аўтары праекту, якія прысутнічаюць на канферэнцыі, заяўляюць, што гэта пытанне не да іх, а да Міністэрства аховы прыроды і Савета бяспекі.