З 1 верасня патаннее безлімітны доступ у інтэрнэт праз тэлесеткі

Унітарнае прадпрыемства "Мінскія тэлевізійныя інфармацыйныя сеткі" зніжае з 1 верасня 2007 года тарыфы на безлімітны высокахуткасны доступ у інтэрнэт, які ажыццяўляецца пры дапамозе тэлевізійных кабельных сетак.
Зніжэнне закранула ў першую чаргу найбольш актуальныя тарыфы. Так, кошт безлімітнага начнога доступу ў інтэрнэт зніжаны на 25%, кругласутачнага і выхаднога дня — на 10%.

Падключэнне да сеткі не патрабуе наяўнасці тэлефоннай лініі, ажыццяўляецца па тэлевізійнаму кабелю з дапамогай мадэма бясплатна на ўвесь час дзеяння дамовы. Максімальная хуткасць падключэння — 1 Мб/с.

БЕЛТА