З Магілёўскай спецшколы закрытага тыпу збеглі два падлеткі
Пра гэта паведамілі валанцёры пошукавага атрада "Анёл".
Зранку 24 жніўня з Магілёўскай спецшколы закрытага тыпу ўцяклі два падлеткі. Пра гэта ў сацсетках паведаміў пошукава-выратавальны атрад "Анёл".
Па звестках валанцёраў, здарэнне адбылося прыкладна а 5-й гадзіне раніцы. Са спецшколы ўцяклі 15-гадовы ўраджэнец Пінска Андрэй Кахавец і 13-гадовы жыхар Петрыкаўскага раёна Алег Філіпаў.
Дарэчы, са спецустановаў для падлеткаў у Магілёве перыядычна адбываюцца ўцёкі.
