З Oasis сышоў Ноэль Галахер

З Oasis сышоў гітарыст Ноэль Галахер, адзін з заснавальнікаў калектыву. Пра гэта паведамляецца на афіцыйным сайце гурта. Прычынай такога ўчынку Ноэль назваў немагчымасць працягваць сумесную працу са сваім братам Лаямам Галахерам, вакалістам Oasis.

Гітарыст адзначыў, што ён "больш ні дня" не зможа працаваць у калектыве. Таксама Ноэль прынёс прабачэнні тым, хто набыў квіткі на запланаваныя еўрапейскія канцэрты Oasis.

Пазней Ноэль Галахер растлумачыў свой сыход "грубым славесным запалохваннем". Як сцвярджае гітарыст, "ступень запалохвання яго, яго сям'і, а таксама сяброў стала недапушчальнай".

Аднак Ноэль не патлумачыў, хто яго запалохвае, як і на якой падставе.

Фота: 1.bp.blogspot.com