Залаты запас Беларусі за I паўгоддзе вырас на 500 кг
Па звестках на 1 ліпеня ён складае 33,8 тоны. У планах у Нацбанка павялічваць залаты запас, нягледзячы на зніжэнне коштаў на золата на сусветным рынку
Залаты запас павялічыўся за кошт набыцця каштоўных металаў у Міністэрства фінансаў, а таксама за кошт перапрацоўкі некандыцыйных зліткаў у банкаўскія кандыцыйныя, якія былі залічаны на металічныя рахункі, піша БелТА са спасылкай на крыніцу ў Нацбанку.
Залаты запас Нацбанка Беларусі вымяраецца ў тонах і ўключае золата (91,5%), а таксама срэбра, плаціну і паладый.
