Зміцер Хведарук арыштаваны, а Іван Шыла аб'явіў галадоўку
На 10 сутак арыштаваны актывіст міжнароднай маладзёжнай арганізацыі "Малады фронт" (яна зарэгістраваная ў Чэхіі) Зміцер Хведарук. Учора вечарам у Мінску яго затрымалі міліцыянты і прывезлі ў ваенкамат, дзе была выпісаная позва на раніцу 29-га. Хведарук патлумачыў, што з'яўляецца студэнтам дзённага аддзялення багаслоўскага каледжу, таму мае права на адтэрміноўку ад службы ў войску.
Пасля гэтага маладога чалавека прывезлі ва ўпраўленне ўнутраных спраў Першамайскага раёна сталіцы, дзе міліцыянты высветлілі, што Зміцер Хведарук не адбыў пакаранне за акцыю, якая прайшла 1 траўня 2008 года каля Нацыянальнай бібліятэкі. Цяпер маладафронтавец знаходзіцца ў ізалятары на Акрэсціна.
Тым часам яшчэ адзін маладафронтавец - Іван Шыла - аб'явіў галадоўку. Ён пратэстуе супраць яго прызыву ў войска, які лічыць незаконным. Шыла патрабуе перагледзець у судзе рашэнне медкамісіі пра яго прыдатнасць да вайсковай службы, а таксама спыніць пераслед ваенкаматам і спецслужбамі.
БелаПАН нагадвае, што ўчора Іван Шыла быў затрыманы міліцыянтамі ў Салігорску, яго прывезлі ў абласны ваенкамат у Мінск. Сёння маладафронтаўца мусяць адправіць да месца службы.
Пасля гэтага маладога чалавека прывезлі ва ўпраўленне ўнутраных спраў Першамайскага раёна сталіцы, дзе міліцыянты высветлілі, што Зміцер Хведарук не адбыў пакаранне за акцыю, якая прайшла 1 траўня 2008 года каля Нацыянальнай бібліятэкі. Цяпер маладафронтавец знаходзіцца ў ізалятары на Акрэсціна.
Тым часам яшчэ адзін маладафронтавец - Іван Шыла - аб'явіў галадоўку. Ён пратэстуе супраць яго прызыву ў войска, які лічыць незаконным. Шыла патрабуе перагледзець у судзе рашэнне медкамісіі пра яго прыдатнасць да вайсковай службы, а таксама спыніць пераслед ваенкаматам і спецслужбамі.
БелаПАН нагадвае, што ўчора Іван Шыла быў затрыманы міліцыянтамі ў Салігорску, яго прывезлі ў абласны ваенкамат у Мінск. Сёння маладафронтаўца мусяць адправіць да месца службы.
