Азаранка і Гаварцова на адкрытым чэмпіянаце ЗША змагаюцца са зборнай Чэхіі

Беларуская тэнісістка Вікторыя Азаранка паспяхова стартавала на адкрытым чэмпіянаце ЗША - заключным у гэтым сезоне турніры серыі "Вялікага шлему".
У першым раўндзе спаборніцтваў на нью-ёркскіх кортах Азаранка ўпэўнена перамагла Клару Закапалаву з Чэхіі ў двух сэтах - 6:2, 6:1. Наступнай суперніцай беларускі будзе яшчэ адна прадстаўніца Чэхіі Івета Бенешэва, паведамляе БЕЛТА.

Цікава, што яшчэ адна беларуская тэнісістка Вольга Гаварцова свой стартавы паядынак правядзе з чэшскай тэнісісткай - Сандрай Захлававай.