Былога намесніка старшыні Крупскага райвыканкаму адправілі за краты

Да 9 гадоў пазбаўлення волі асуджаны былы намеснік старшыні Крупскага райвыканкаму Уладзімір Сіняк. Такое рашэнне прыняў суд Цэнтральнага раёна беларускай сталіцы. Яго прызналі вінаватым у замаху на атрыманне хабару шляхам вымагання грошай, а таксама ў злоўжыванні ўладай альбо службовымі паўнамоцтвамі.

Высветлілася, што летась чыноўнік спрабаваў “зарабіць” на маскоўскім бізнэсоўцу, якому абяцаў пасадзейнічаць у продажы недабудаванага вопытна-эксперыментальнага завода па вытворчасці керамічных вырабаў, і ўдвая знізіць цану на дадзены аб’ект.

Намеснік старшыні райвыканкаму спадзяваўся атрымаць 212 тысяч долараў, аднак быў затрыманы пасля таго, як у яго рукі патрапіла больш сціплае “ўзнагароджанне” ў памеры 6300 долараў.

Інтэрфакс