Другі паказ "Кінаарт па-беларуску" адбудзецца сёння ў Доме кіно
Сёння ў сталічным Доме кіно адбудзецца другі
паказ кароткаметражных аўтарскіх работ маладых рэжысёраў у межах праекту "Кінаарт
па-беларуску".
На гэты раз у праграму ўвайшло больш за 15
прац маладых рэжысёраў – розныя ролікі, кліпы, артзамалёўкі. Захаваны галоўны
прынцып і крытэр адбору стужак - нестандартнасць, крэатыўнасць і свежасць.
Падчас паказу праводзіцца глядацкае
галасаванне, па выніках якога фільм-пераможца можа стаць прэтэндэнтам на ўдзел
у Міжнародным Берлінскім фэсце кароткаметражнага кіно "InterFilm
Wostok".
Нагадаю, сумесны праект Дома кіно і Беларускай
дзяржаўнай акадэміі мастацтваў "Кінаарт па-беларуску" стартаваў у снежні
мінулага года. Тады гледачы ўбачылі чатыры кароткаметражныя фільмы – працы выпускнікоў
рэжысёрскага аддзялення акадэміі мастацтваў, творчых майстэрняў.
