Лукашэнка пагаварыў з Макронам па тэлефоне. Эксперт пракаментаваў

Палітычны аглядальнік Аляксандр Фрыдман назваў гэтую навіну "трывожнай". Ён заўважыў, што мінулы званок быў у лютым 2022 года, у кантэксце расійскай агрэсіі супраць Украіны з тэрыторыі Беларусі.

"Тады ў ЕС вельмі баяліся, што вайна перакінецца яшчэ на адну краіну, а Макрон узяў ініцыятыву на сябе.

Цяпер Макрон па сваёй ініцыятыве тэлефануе Лукашэнку, ды яшчэ і ў выходны дзень. Магчыма, гэта азначае, што заявы з Кіева аб пагрозе з боку Беларусі варта ўспрымаць больш сур'ёзна", — напісаў Аляксандр Фрыдман у сваім тэлеграм-канале.