МВФ павялічвае крэдыт Беларусі на 1 мільярд долараў і дае другі транш

Міжнародны валютны фонд павялічыў памер антыкрызіснага крэдытавання Беларусі на 1 мільярд долараў да 3,52 мільярдаў долараў.
Таксама савет дырэктараў фонду ўхваліў неадкладнае вылучэнне Мінску другога траншу крэдыту амаль на 680 мільёнаў долараў, перадае РБК.

Новы крэдыт павінен падтрымаць эканамічную праграму ўрада Беларусі, змякчыўшы мацнейшыя, чым чакалася раней, наступствы для краіны сусветнага фінансавага крызісу, гаворыцца ў паведамленні МВФ.

Нагадаем, першапачаткова крэдытная лінія для Беларусі была адкрытая ў студзені ў аб'ёме 2,51 мільярда долараў. У той жа час Мінску быў прадстаўлены першы транш крэдыту.