Праз 2,5 гады ў Беларусі могуць з'явіцца біяметрычныя пашпарты

Беларусь можа выкарыстаць досвед Нямеччыны пры ўвядзенні біяметрычных пашпартоў. Пра гэта паведаміў намеснік начальніка дэпартамента па грамадзянстве і міграцыі міністэрства ўнутраных спраў Беларусі Анатоль Ланін.
Пры гэтым ён адзначыў, што ў Беларусі пасля прыняцця дзяржаўнага рашэння аб увядзенні біяметрычных пашпартоў пры адпаведным фінансаванні павінна прайсці ад 2 да 2,5 гадоў.

Ён таксама адзначыў, што біяметрычныя пашпарты ў Беларусі не будуць уводзіцца да таго часу, пакуль выезд для грамадзян краіны за мяжу не стане цяжкім з-за патрабаванняў міжнародных структур.

"Інтэрфакс"